Rice Krispies Karamellu Ostakaka

Við fundum einstaklega girnilega uppskrift í þýsku blaði. Þessi blanda Rice Krispies, karamella og ostakaka hljómar einfaldlega alltof vel og stóðumst við ekki mátið og ákváðum að prófa. Mesti hausverkurinn var að þýða uppskriftina yfir á íslensku en fyrir utan það er hún mjög einföld.

150 gr. dökkt súkkulaði
10 gr. kókosolía
150 gr. rice krispies (líka hægt að nota corn flakes)
50 gr. sykur
200 gr. rjómaostur
1-2 tsk sítrónusafi
1 dl rjómi
2 pokar góu kúlur

Botn
Við byrjuðum á því að bræða suðusúkkulaði og kókosolíu saman og blönduðum rice krispies út í. Úr því mynduðum við 20 hringi sem við settum á bökunarpappír og geymdum í kæli í um klukkustund.

Krem
Við blönduðum sykrinum og sítrónusafanum vel saman. Næst var rjómaostinum bætt við og því öllu blandað vel saman.

Karamella
Við bræddum Góu kúlurnar ásamt rjómanum.

Botnarnir eru teknir út og þeim raðað á bakka, kreminu er smurt á botnana og karamellunni hellt yfir. Mikilvægt er að passa að leyfa karamellunni að kólna áður en að henni er hellt yfir kökuna.
Við fengum tíu kökur út úr uppskriftinni.

Botnarnir komnir úr kæli

Rjómaostakremið sett á botnana 

Karamellunni hellt yfir

Seinasta skrefið, kökunum lokað

Ljúffengar kökur tilbúnar

***************************************************************************************************

Góða helgi!!

x Fanney, Þórhildur og Katla

DIY Dip Dye skyrta

Okkur hefur lengi langað að prófa að aflita flíkur með klór. Við fundum til ljósbleika skyrtu úr Monki af Fanney. Við notuðum Dip Dye aðferðina.

Skyrtan fyrir

Við spreyjuðum klórnum á skyrtuna, okkur fannst það öruggara. Einnig er hægt að dýfa henni ofan í klór í bala.

Við létum klórinn liggja í skyrtunni í um 30 mínútur og skoluðum svo úr og settum beint í þvottavél. Útkoman var frekar gul í fyrstu en lagaðist til muna eftir að skyrtan kom úr þvottavélinni.

Hér er skyrtan tilbúin, litabreytingin sést því miður ekki nægilega vel í dagsbirtunni. Hún er aðeins augljósari en sýnist á myndinni.

 x Fanney, Katla og Þórhildur

DIY marbled glass

Ef að maður á gömul naglalökk er hægt að nýta þau í alls kyns skemmtileg verkefni. Við prófuðum að setja litríka botna á gömul glerglös og var útkoman ansi skemmtileg.

Það sem þú þarft: Glerglös og nokkrar týpur af naglalökkum.

Við teipuðum glasið til að koma í veg fyrir að lakkið færi á hliðar glassins.

Við létum dropa úr lökkunum niður í skálina.

Settum mismunandi liti.

Tókum svo tannstöngul og "dreifðum" lakkinu eins og hér sýnir.

Fleiri litir.

Næst tókum við glasið og dýfðum því ofan í skálina. Lakkið þarf að safnast saman í kringum glasið og þá má taka það rólega upp úr.

Útkoman þegar horft er ofan í glasið.

Fleiri litir.

Tilbúið.

Mjög flott þegar vatn er komið í glasið.

Útkoman er skemmtileg og gaman að fríska upp á gömul glös.

x Fanney, Þórhildur og Katla

DIY Glimmerglös

Við poppuðum upp á vínglös á mjög einfaldan og skemmtilegan hátt.

Við keyptum lím, glimmer og svamp í Föndru á Dalvegi

 Við pensluðum líminu þar sem við vildum fá glimmerið

 

 Næst dustuðum við glimmerinu yfir glasið, leyfðum því að þorna og fórum aðra umferð yfir með líminu til að festa glimmerið enn betur á

Skemmtilegt og flott fyrir matarboðin og partýin.

x Fanney, Þórhildur og Katla

DIY hringar

Við gerðum hringa sem okkur langar að deila með ykkur, einfalt og ódýrt.
Við keyptum 10 m langan vír í Föndru á aðeins 690 kr. Við prufuðum okkur áfram og eigum ennþá til fullt af vír.

Það eina sem þú þarft

Við klipptum stuttan bút af vírnum

Næst brutum við hann varlega saman til helminga

Við notuðum töng til að ná vírnum alveg saman

Við tókum vírinn varlega í sundur

Við lögðum vírinn á fingur 

Þrýstum fingrinum niður (mjög mikilvægt fyrir lögun hringsins)

Klipptum endana og reyndum eftir bestu getu að ganga snyrtilega frá endunum með því að snúa upp á þá

 Falleg útkoma!

x Fanney, Þórhildur og Katla

DIY armband

Við fórum í Föndru í gær og þá fékk ég þá hugmynd að gera armband þar sem ég hafði séð nokkur svipuð á netinu.
Ég keypti hring og þunn svört leðurlíkisbönd á aðeins 445 kr.

Ég byrjaði á því að klippa böndin niður í 5 búta, tvo 75 cm, tvo 50 cm og einn 25 cm.

Ég tók 75 cm bandið, lagði það saman og þræddi í gegnum hringinn til að festa það öðru megin. Endurtók þetta svo fyrir hinn endann á hringnum. 

 

Næst tók ég 50 cm bandið og lagði það undir böndin sem föst eru í hringnum. Hægri enda 50 cm bandsins tók ég síðan og lagði yfir miðjuböndin tvö og undir hinn enda 50 cm bandsins. Þar næst tók ég vinstri endann og þræddi undir miðjuböndin og í gegnum lykkjuna sem myndast hægra megin. Þessi aðferð er síðan endurtekin fyrir vinstri enda 50 cm bandsins, aðferðinni er haldið áfram sitt á hvað, hægri, vinstri, hægri, vinstri...... þangað til hnútarnir eru orðnir nógu margir. 

Þegar hnútarnir eru orðnir nógu margir tók ég nál og gekk frá endnunum með því að þræða þá á bakhlið armbandsins.

Ég myndaði hring úr armbandinu og notaði afgangs bönd til að halda hringnum saman tímabundið. Næst tók ég 25 cm bandið og kom því fyrir undir mitt armbandið og endurtók hnútaaðferðina hér að ofan. 

Næst losaði ég böndin sem héldu saman hringnum og gat eftir það ákveðið stærð armbandsins. Að lokum batt ég hnúta á enda armbandsins.

Ég er nokkuð sátt með útkomuna!  

x Þórhildur